بهزادبیات فرد

بیری وار کؤکسو دولو سازلاری آغلار آپاریر
بیری ایسلاق دیله یین قوپ_قورو داغلار آپاریر

سوموروق یئل لی گئدیر ال لر ایله سؤزلو تابیت
سوسوروق سیزلری ده سسلی سوراغلار آپاریر

سیزی پاییز خزلی سانمادا گؤز یاشلی هامی...!
بیزی هئی بوردا عطش گوزلو بولاغلار آپاریر

او قدر بیزده ایشیق کؤلگه لر آدسیز قالاراق
سیزی کور_لامپا گونش آدلی چیراقلار آپاریر

بیر توفنگ یئددی آدام بیزلری بوردان قاچیرا.... :
سیزی ده ساختا کسر کوت_کوت اوراقلار آپاریر

بیزی بوش وئر بیزه بیز، توی گئجه سی یاس دونو دک
گلیـنی..... بیـزده کفـــن آدلی دوواغلار آپاریر

بیز گونش یاسلی سی ییق ایپ_ایتی شعرین یییه سی
سیزی اؤزلوک تییه سی پاسلی پیچاقلار آپاریر

اوسانیب بیز آنیریق سیزله ساواشلیق سونونو
بیزی توپ_بومبا سیزی گولله یاراقلار آپاریر...!

بهزادبیات فرد