آینا منه یالان دپییر

آینا منه یالان دئییر
هله باشیم آغارماییب
آینا منه یالان دئییر
اوغلوم هله بؤیومه‌ییب
آینا منه یالان دئییر
سن منی ترک ائتمه‌میسن
هئچ اؤزوده پاسلانماییب
اؤزون ورور یازیخلیغا
اونو همن کئچن هفته
گلین گلنده ائویمه
سن اؤزونله گتیرمیسن
بخت آینان‌دیر سنین گولوم!
آینا منه یالان دئییر
سن منی ترک ائتمه‌میسن
تکجه یاتاق اودامیزا
گلمه‌ییرسن نئچه گوندور
نئچه هفته
نئچه آی دیر
نئچه ایلدیر
آینا سنه یالان دئییر
من اونو سیندیرمامیشام
هئچ اولمایان اوغلوموزون
توپو دییب دیر باشینا
آینا بیزه یالان دئییر
نه سن اون ایلدی اؤلموسن
نه اوغلوموز چیخیب گئدیب
نه من آسمیشام اؤزومو

شاعیر:صالح سجادی